Neste tysdag (25. April), tenkte me å invitere føresette til stifinnarar og vandrarar til eit kort informasjonsmøte om kretsleiren. Me vil særs oppfordre føresette til speidarane som allereie har meldt seg på turen, og føresette til speidarane som framleis er litt usikre om å komme.

Det blir eit kort møte på ca 30 minutter, med oppmøte kl 17.30 på speidarnaustet. Det skal bli litt info om kva som skjer på slike leiarar, kva som forventes av ein speidar på leir, litt praktisk, og litt om transport til & frå leiren. Også er det sjølvsagt ope for spørsmål!

Me håpar på at enda fleire av speidarane våre melder seg på, me ønsker tross alt å få med oss alle dei flotte stifinnarane og vandrarane våre!

Oppdatering kring Kretsleiren 2023

Stifinnarar og vandrarar: Til sommaren er det igjen klart for kretsleir. Kretsleir vert arrangert kvart fjerde år, og denne gongen går leiren «Jakten» til Sauda. Me skal reise på leir saman med Hordaland, Ryvarden og Sogn og fjordane krets.

På ein kretsleir skjer det mykje gøy! Det er kjekke aktivitetar kvar dag, i tillegg til mykje fritid der du kan bli kjend med nye speidarar. Patruljane skal gå på haik, dei skal lage sin eigen mat, det blir leirbål og det blir mange kjekke stunder saman med gamle og nye vener. Og me skal sjølvsagt ligge i telt heile veka, forhåpentlegvis flott vêr heile veka.

NB: Tidlegare i vår søkte me i 1. Leirvik om stønad til kretsleiren 2023, og me kan no med glede seie at me har fått stønad slik at me kan gjere leiren billigare for alle våre speidarar!!

Tid: 24. Juni – 1. Juli

Stad                            Rogaland Fylke, Sauda. Leirområdet på nesten 44mål, er nesten dobbelt så stort som førre kretsleir

Transport                Transport til og frå leiren er enda ikkje bestemt. Om nokre føresette har gode tips/anbefalingar om transport, så ta gjerne kontakt.

Pris                           1100kr for speidarar og roverar. Dekker alt av aktivitetar og mat.

• Eigne prisar gjeld for leiarar, maur og stab.

Utstyr                                    Meir detaljer som pakkeliste kjem seinare når leiren nærmar seg.

Påmelding                Skriftleg på sms/papir til Kristoffer Spissøy (95522332). Påmelding vert bindande frå og med 23. april, og siste frist for påmelding 30. april.

Spørsmål Dersom du har spørsmål om leiren, så ta gjerne kontakt med Kristoffer Spissøy (95522332), eller ein av dei andre leiarane i 1. Leirvik (https://leirvikspeidar.com/kontakt/). Det vert også lagt ut informasjon på leiren si heimeside: (https://www.kretsleir.no/)