1. Leirvik speidargruppe

Tag Archives: stifinnar


by Kommenter innlegget

Julatur

Det vert hyttetur til speidarhuset i Sæbøvik, Halsnøy, for små og store speidarar, roverar og leiarar i 1. Leirvik, laurdag 7. – sundag 8. desember.

Avslutningstur før jul er etterkvart blitt ein tradisjon. Sidan me er blitt så mange, er me ”vokst” utav den tradisjonelle plassen på Føyno. I år går derfor julaturen for første gang til speidarhuset i Sæbøvik.

Her vert det sosiale aktivitetar, dagsturar og juleverkstad.

Tid: Laurdag 7. des til sundag 8. des.

Stad: Speidarhuset i Sæbøvik, Halsnøy

Frammøte: Skjersholmane ferjekai, laurdag kl 12.15 (ferja går kl 12.30)

Avslutning: Retur til Skjersholmane, sundag kl 16.10. Alle må hentast her.

Pris: 150 kroner. Dette dekkar all mat og andre utgifter me har med turen.

Utstyr: Sovepose, liggeunderlag (usikkert kor mange madrasser det er på huset), regnklede, støvlar, varmt tørt skift i sekken, ekstra lubber, hua, kniv, lommelykt, toalettsaker

Mat: Dette ordnar leiarane for heile helga. Ta med litt snop, dersom du har lyst.

Påmelding: Til Helga på tlf 53413179 / 99292101, eller Øystein tlf 90092617 innan onsdag 4. desember.

Spørsmål: Ring Helga eller Øystein

 


by Kommenter innlegget

Bakemøte

Det nærmar seg bakemøte. Ta med forkle, kjevle og pepperkakeformer, så møtest me på Naustet. Merk tida! Me deler oss på to dagar for å få plass til alle.

  • Småspeidarar: måndag 2. desember 17.30–19.30
  • Stifinnarar: tysdag 3. desember 17.30–19.00
  • Vandrarar: tysdag 3. desember 19.00–20.30


by Kommenter innlegget

Grautmøte med opptaking

Det er klart for vårt tradisjonelle grautmøte i Parken tysdag 26. november. Denne gongen vil me dessutan ha opptaking av nye speidarar.

Opptaking er ein litt høgtideleg seremoni der speidarane avlegg speidarløftet og får utdelt speidarsjal. Me markerer også dei som har bytta eining i det siste. Dei avlegg speidarløftet på nytt og får ny einingsmarkering. Dette gjeld dei som har gått frå småspeidar til speidar, eller speidar til rover.

Familiemedlemmer er velkomne til å vera med oss denne dagen. Spesielt kjekt om familiane til dei som skal takast opp kjem!

Som alltid på grautmøtet serverer me graut og saft, og leikar oss i Parken.

Tid: Tysdag 26. november til vanleg tid.
Småspeidarar kl. 17.30–18.45. Stifinnarar og vandrarar kl. 19.00–20.30.

Stad: Parken ved Sunnhordland museum.

Pris: Dei som skal takast opp må ta med 130 kr til sjal, merke og speidarknute.

Spørsmål: Ring Helga (99292101).


by Kommenter innlegget

Fiskemøte Tømmervik

Fisk. (Foto: Marc Dalmulder.)

Fisk. (Foto: Marc Dalmulder.)

Tysdag 12. november vert det fiskemøte på Tømmervik.

Møt fram på gamle parkeringsplassen, Tømmervik.

Alle må ta med:

  • Fiskestong m/sluk
  • Redningsvest
  • Refleks
  • Lommelykt
  • Tom hermetikkboks (størrelse ca 1 liter / fiskebolleboks).

Du må sjølvsagt ha klede til å vera ute i.

Vanlege møtetider i følge kalender.

Speidarhelsing,
Leiarane


by Kommenter innlegget

Hausttur i Parken

Det vert overnattingstur i parken for små og store speidarar, helga 25.-27. oktober.

Heile helga skal me overnatta i telt/lavvo og kosa oss. Det vert variert program og aktivitetar.

Vandrarane og stifinnarane er på tur frå fredag til sundag. Småspeidarane frå laurdag til sundag.

Tid:

Fredag 25. oktober til sundag 27. oktober (stifinnar/vandrar).
Laurdag 26. oktober til sundag 27. oktober (småspeidarar)

Stad:

Parken (Sunnhordland museum), Leirvik

Frammøte:

Møt i parken fredag kl 18.30 (stifinnar/vandrar)
Møt i parken laurdag kl 13.00 (småspeidar)

Avslutning:

I parken, sundag 27. oktober kl 15.00

Pris:

150 kroner. Dette dekkar all mat og utstyr som trengs for turen.

Utstyr:

Sovepose, liggeunderlag, regnklede, støvlar, varmt tørt skift i sekken, ekstra lubber, varm genser, hua, hanskar, kniv, lommelykt, bestikk (kniv, gaffel, skei), tallerk, kopp.

Mat:

Dette kjøper leiarane inn felles

Påmelding:

Til Helga på tlf 53413179 / 99 29 21 01, eller Øystein tlf 90092617 innan onsdag 23. oktober.
Me treng tilbakemelding om du skal vera med eller ikkje.

Spørsmål:

Ring Helga eller Øystein


by Éin kommentar

Tur til Åreiddalen

Til helga vert det tur til Åreiddalen på Bømlo. Her vert det ei overnatting i lavvo, kanopadling og ellers eit variert program.

  • Småspeidarane skal på tur laurdag til sundag.
  • Stifinnarane skal på tur fredag til sundag.
  • Vandrarane går fredag på haik over Siggjo, overnattar der, og er med oss andre i Åreiddalen laurdag til sundag.

Hugs påmelding til Helga på tlf 53413179 / 99 29 21 01, eller Øystein tlf 90092617 innan onsdag 18. september. Me treng tilbakemelding om du skal vera med eller ikkje.

Sjå vedlagde lappar for småspeidar, stifinnar og vandrar:


by Kommenter innlegget

Informasjon om landsleir

Tårnet Stavanger 2013

Så er det endeleg klart for sommarens store hending, landsleir i Stavanger. Dette har me gledd oss til lenge og endeleg er den her. Dette er siste praktiske info for deltakarane.

Landsleiren er i tidsrommet laurdag 6. – laurdag 13. juli. Opning er laurdag kveld og dei fleste grupper kjem laurdag formiddag. Leiren opnar for innrykk midt på dagen, fredag. For å få ein god start, ynskjer me å reisa ned fredag ettermiddag / kveld og setja opp telt. Så er me klare til lå byggja resten av leiren laurdag morgon.

Me håpar at det er ein del som ynskjer å besøkja oss i løpet av leiren. Den ligg rett ved Madlaleiren i Stavanger. Kom innom, så set me over kaffikjelen. For info, så er speidarane ute på hike, frå tysdag til onsdag formiddag. Torsdag er det tur til Preikestolen på dagen, men me er nok tilbake i kveldinga.

Det er kiosk, kafe og utsalg for speidarsport, så ta med lommepengar. Det vert seld ein del merker og souvenirar på leiren.

 

Avreise: Me møter ved Naustet, fredag 5. juli kl 18. Satsar på å få plass til dei fleste i bilar til leiarar og roverar. Det kan vera at nokre foreldre må hjelpa med køyring. Gi melding om du kan.

Heimreise: Satsar på å ha alt pakka og klart til å forlata leiren, laurdag 13. juli omkring kl 14.00. Kanskje treng me nokre foreldre til å henta oss. Gi melding om du kan.

Utstyr: Vanleg turutstyr: Sovepose, liggeunderlag, regnklede, støvlar, varme tørre skift i sekken, ekstra lubber, hua, kniv, lommelykt, bestikk (kniv, gaffel, skei), tallerk, kopp, toalettsaker, solkrem, shorts.

Det er viktig at ALLE har med seg / pakkar i ein sekk dei kan bære på hike. Hiken er ca 10 km, og speidarane må bære med seg all bagasje dei treng for eit døgn.

Spørsmål: Ring Helga 99 29 21 01 eller Øystein 90 09 26 17. Disse nummer kan også nyttast under leiren, dersom de treng å komma i kontakt med speidarane.

Meir info: Du finn meir informasjon om leiren på nettsida: www.stavanger2013.no

 

Helsekort: Det er viktig at alle fyller ut helsekort og tar det med i ein konvolutt med namn på. Helsekortet finn du her: http://www.stavanger2013.no/articles/view/id/helsekort