Til den høgst uregelmessige serien «Det låg no på naustet og slang» har eg i dag funne eit litt nyare fotoalbum enn sist gong. Her er det bilete frå landsleiren på Eidskog i 1993, kretsleiren på Huglo i 1999, hausthaiken i 2004 og litt andre turar innimellom.
Her er ein kalender de kan skriva ut. Skjer det endringar i løpet av våren, så oppdaterer me nettkalenderen, den som står til høgre på framsida.
Også i år sluttar me av før jul med tradisjonell juletur
Turen går til Aker Stords hytter på Føyno.
Tid: Laurdag 5. desember til sundag 6. desember.
Stad: Føyno.
Frammøte: For å spara bompengar, så møter alle på parkeringsplassen før tunnellen på Digernes, laurdag klokka 14.00
Så går me samla over brua.
Slutt: Me avsluttar same stad, sundag klokka 15.00.
Pris: Turen vil kosta 100 kr. Dette dekkar mat, overnatting og felles utstyr.
Utstyr: Sovepose, regnklede, støvlar, varmt tørt skift i sekken,
ekstra lubber, hua, vottar/hanskar, kniv, lommelykt, bestikk, tallerk, kopp,
toalettsaker.
Påmelding: Til Helga tlf 53413179/99292101 eller Øystein tlf 90092617 innan bakemøtet.
I serien «det låg no på naustet og slang», presenterer me i dag falkepatruljens fotoalbum frå 1956.
Først ser me bilete frå ein patruljetur til Knutsanaustet i januar. Det kunne visst vera lite snø på Stord den gongen òg. I april vann falkepatruljen flaggpatruljekonkurransen for andre året på rad. Det var ein variert konkurranse, med løype både til Stua og Landåsvatnet.
Vidare er det bilete frå fleire patruljeturar og selskap heime hjå peffen. Til slutt reiser falkane til Voss på landsleir. Postkortet og dei nummererte bileta sist i albumet er nok ein slags minnepakke frå leiren. Artig å sjå korleis leirlivet var, men det er nok ingen av våre speidarar med på dei bileta.
This gallery contains 19 photos
Vandrarane gjekk rebusløype i Bergen på fredag. Første post var den blå steinen. «Gå dit, ta bilete av dykk sjølve, og send MMS, så skal de få vita neste post.» Vidare gjekk turen til Murhvelvingen, den gamle brannstasjonen, Beffen (som ikkje låg der han brukar liggja om kveldane, så det vart eit uskarpt bilete av Bryggen i staden), og til slutt Fløyen. Der hadde leiarane i mellomtida slått opp lavvoo og fyrt bål på Fløysletten.
På laurdag bada me på Vannkanten badeland og åt pizza på Peppes før me reiste til ei hytte på Kvamskogen der me overnatta til sundag.
Viktig: Eg gløymde å skriva på lappen at ALLE MÅ pakka i ryggsekk denne gangen. Øystein.
Dette heftet vart laga til 60-årsjubileet vårt i 1973. Det låg no på naustet og slang, så eg tok det heim og skanna det. Det står mykje spennande i bokhyllene på naustet, så det kan godt henda me legg ut meir.
Me kom fram midt på natta, så me la oss berre til på bakken utan telt. Biletet tok eg då eg vakna. Klokka er 08.10, og det er like før sola bryt fram bak fjella.
1. Leirvik speidargruppe 