Avslutningstur før jul er etterkvart blitt ein tradisjon. Turen går i år til speidarhuset i Sæbøvik på Halsnøy. Der me var for to år sidan, for dei som hugsar det. Sidan me er såpass mange, har me delt turen slik at småspeidarane reiser frå fredag til laurdag, og dei store frå laurdag til sundag.
Det vert sosiale aktivitetar, dagsturar og juleverkstad.
Me skal tilbringa dagen ute i lag med speidarane på Bømlo. Me reiser samla med rutebuss frå Leirvik til Svortland. Hugs påmelding innan onsdag! Sidan me er ute laurdag, har me fri tysdagen etterpå.
Tid: Laurdag 14. november.
Stad: Bømlo.
Frammøte: Leirvik bussterminal kl. 09.00.
Avslutning: Leirvik bussterminal kl. 15.42.
Pris: 50 kr.
Utstyr: Klede til å vera ute heile dagen. Tallerk, kopp, bestikk, niste, drikke.
Påmelding: Til Helga (99292101) innan onsdag.
(Fordi me var på Bømlo på laurdagen.)
Tysdag 24. november skal me kosa oss med graut og aktivitetar i Vidsteenparken. Denne gongen blir det dessutan høgtideleg opptaking av nye speidarar og speidarar som har gått over frå småspeidarflokken til troppen. Foreldre/føresette og søsken er velkomne til å vera med!
Oppmøte ved inngangen til museet kl. 18.00. Merk tida! Me sluttar av kl. 20.00.
Kle deg for å vera ute, og ta med lommelykt.
Ta med pepperkakeformer, så bakar me på Naustet! Dette tek litt lengre tid og litt meir plass enn eit vanleg speidarmøte, så merk tidene:
Småspeidarar: Tysdag kl. 17-19.
Stifinnarar: Tysdag kl. 19-21.
Vandrarar: Onsdag kl. 19-21.
Haustturen går til speidarhytta vår, Sævarbu. Me skal gå frå kraftstasjonen (ca. 2 km), så pakk i ein god sekk som du kan bera. Ha på gode sko/støvlar og klede.
Tid: Laurdag–sundag 19.–20. september
Stad: Sævarbu
Frammøte: Lundsæter kraftstasjon laurdag kl. 12.
Avslutning: Kraftstasjonen sundag kl. 16.
Pris: 100 kr.
Utstyr: Sovepose, klede til å vera ute, støvlar, varmt tørt skift i sekken, ekstra lubber, hua, hanskar, kniv, lommelykt.
Mat: Ta med deg brødmat og pålegg til frukost og lunsj sundag (alle må bidra og bera litt). Leiarane kjøper inn middag/kvelds til laurdag kveld. Ta med litt snop, dersom du har lyst. (Maks 1⁄2 l brus + pittelitt sjokolade eller chips.)
Påmelding: Innan torsdag 17. september til Helga (99292101) eller Gaute (99629244).
Spørsmål: Ring Helga (99292101).
Stifinnarane og vandrarane går på haik same helga. Kvar patrulje har sjølv bestemt tid og stad.
På laurdag dreg me på fisketur på Nautøya og fiskar frå land og kanskje frå båt.
Me lagar bål og kosar oss.
Tid: Laurdag 12. september kl. 11.00–16.00.
Stad: Møt på Nautøya, på parkeringsplassen like før Bømlabrua.
Utstyr: Fiskestong/snøre, redningsvest, drikke. Kle deg etter vêret.
Merk: På grunn av turen i helga, blir det fri tysdag 15. september.
Dessutan blir det fri tysdag 22. september, fordi me skal på overnattingstur helga før. Det kjem informasjon om den turen seinare. Følg med på www.leirvikspeidar.com eller Facebook.
Første speidarmøte i haust blir på Naustet tysdag 25. august.
Rover/leiar: Me møtest til planleggjingsmøte på Naustet fredag kl. 18.
I år tek me avslutningsturen litt før speidaråret eigentleg er slutt. Alle blir med – småspeidarar, stifinnarar og vandrarar. Me reiser til Kalsundholmen, eit friluftsområde ikkje langt frå Husavik ferjekai i Austevoll.
Hugs at det er fri 2. juni og speidarmøte igjen tysdag 9. juni.
Tid: Fredag-sundag 29.-31. mai.
Stad: Kalsundholmen i Austevoll.
Frammøte: Sandvikvåg ferjekai, fredag kl. 17.45.
Henting: Sandvikvåg, sundag kl. 15.45.
Pris: 200 kr. Dette dekkjer mat og ferje.
Utstyr: Sovepose (god og varm), liggeunderlag, regnklede, støvlar, varmt tørt skift i sekken, ekstra lubber, hua, hanskar, kniv, lommelykt, bestikk, tallerk, kopp, toalettsaker, flytevest/redningsvest. Badeklede og fiskestang, for dei som vil.
Mat: Dette tek leiarane med. Ta med litt snop, dersom du har lyst.
Påmelding: Til Helga (53413179/99292101) innan torsdag.
Spørsmål: Ring Helga.
1. Leirvik deltek også i år i 
morgontoget 17. mai. Me skal vera oppstilt i flaggborga klokka 07.00. Deretter er det sang og musikk ved Leirvik mannskor og Stord musikklg samt apell for dagen. Deretter går toget til til Osen, opp Borggata, forbi Kyrkja, opp Døso og vidare til sjukehuset. Avslutning ved sjukehuset etter at mannskoret og musikklaget har spela nokre nummer (bak sjukehuset).
Alle møter klokka 06.45. Det er viktig at alle møter, slik at me kan bytta på å bera flagga.
Alle stiller med skjerf. Dei som har skjorte, stiller med skjerf og skjorte.
Me reknar med å avslutta ved sjukehuset ca 08.00, så alle må hentast der.
Feiring på Frugård.
Me gjorde det godt i kretskonkurransen i helga. Oter sikra seg kretsbanneret igjen med andreplass totalt, best i Ryvarden. Lama tok tredjeplassen. Begge patruljane er difor kvalifiserte til NM i juni.
Rev vann stifinnarkonkurransen. Småspeidarane i Ulv kom på andre plass i sin klasse. Super innsats som vanleg, der altså.
St. Georgsdag 23. april vert feira av speidarar over heile verda med fornying av speidarløftet.
Dei siste åra har me markert dagen saman med speidarane på Bømlo. I år legg me turen til Føyno og feirar i stranda til Kværners velforeining.
Arrangementet startar kl. 18 på Føyno og er ferdig ca. kl. 20.
Denne dagen er alle familiar velkomne til å vera saman med oss på Føyno.
Me fyrer i grillen, så ta med litt grillmat og drikke.
1. Leirvik kjem også i år til å delta i kretskonkurransen. Dette er ein konkurranse som vert arrangert av kretsen vår kvart år. I år er konkurransen på kretsens leirplass, Lier i Sveio.
På kretsbannerkonkurransen konkurrerer patruljane mot kvarandre i ei rundløype. Det er postar med naturkjennskap, knutar, førstehjelp og nokre praktiske øvingar.
Tid: Sundag 26. april.
Stad: Lier i Sveio.
Frammøte: Speidarnaustet, sundag kl 09.00. Me treng nokre foreldre til å køyra.
For dei som køyrer: Følg E39 til Førde kyrkje i Sveio. Ta av mot Ervik, følg vegen 2-3 km og ta av mot Lier (grusveg).
Avslutning: På Lier, ca kl 15 sundag. Tilbake på Naustet ca kl 16.
Pris: Turen er gratis.
Utstyr: Ta med/på deg klede til å vera ute heile dagen.
Mat: Ta med matpakke. Det er kiosk på kretsbannerkonkurransen med snop, pølser, is og brus. Ta med nokre kroner om du vil snopa litt.
Alle må ha med niste uansett!
Påmelding: Innan torsdag 9. april til Helga (99292101) eller Gaute (99629244).
Spørsmål: Ring Helga (99292101) eller Gaute (99629244).
1. Leirvik speidargruppe 