Første speidarmøtet i vinter er tysdag 12. januar, på Naustet til vanleg tid.
Tag Archives: stifinnar
Juleturen 2015
Avslutningstur før jul er etterkvart blitt ein tradisjon. Turen går i år til speidarhuset i Sæbøvik på Halsnøy. Der me var for to år sidan, for dei som hugsar det. Sidan me er såpass mange, har me delt turen slik at småspeidarane reiser frå fredag til laurdag, og dei store frå laurdag til sundag.
Det vert sosiale aktivitetar, dagsturar og juleverkstad.
Info om møte i november-desember
Bømlotur laurdag 14. november
Me skal tilbringa dagen ute i lag med speidarane på Bømlo. Me reiser samla med rutebuss frå Leirvik til Svortland. Hugs påmelding innan onsdag! Sidan me er ute laurdag, har me fri tysdagen etterpå.
Tid: Laurdag 14. november.
Stad: Bømlo.
Frammøte: Leirvik bussterminal kl. 09.00.
Avslutning: Leirvik bussterminal kl. 15.42.
Pris: 50 kr.
Utstyr: Klede til å vera ute heile dagen. Tallerk, kopp, bestikk, niste, drikke.
Påmelding: Til Helga (99292101) innan onsdag.
HUGS FRI 17. NOVEMBER!
(Fordi me var på Bømlo på laurdagen.)
Opptaking og grautmøte 24. november
Tysdag 24. november skal me kosa oss med graut og aktivitetar i Vidsteenparken. Denne gongen blir det dessutan høgtideleg opptaking av nye speidarar og speidarar som har gått over frå småspeidarflokken til troppen. Foreldre/føresette og søsken er velkomne til å vera med!
Oppmøte ved inngangen til museet kl. 18.00. Merk tida! Me sluttar av kl. 20.00.
Kle deg for å vera ute, og ta med lommelykt.
Bakemøte 1.-2. desember
Ta med pepperkakeformer, så bakar me på Naustet! Dette tek litt lengre tid og litt meir plass enn eit vanleg speidarmøte, så merk tidene:
Småspeidarar: Tysdag kl. 17-19.
Stifinnarar: Tysdag kl. 19-21.
Vandrarar: Onsdag kl. 19-21.
Fisketur laurdag 12. september
På laurdag dreg me på fisketur på Nautøya og fiskar frå land og kanskje frå båt.
Me lagar bål og kosar oss.
Tid: Laurdag 12. september kl. 11.00–16.00.
Stad: Møt på Nautøya, på parkeringsplassen like før Bømlabrua.
Utstyr: Fiskestong/snøre, redningsvest, drikke. Kle deg etter vêret.
Merk: På grunn av turen i helga, blir det fri tysdag 15. september.
Dessutan blir det fri tysdag 22. september, fordi me skal på overnattingstur helga før. Det kjem informasjon om den turen seinare. Følg med på www.leirvikspeidar.com eller Facebook.
Første speidarmøte hausten 2015
Første speidarmøte i haust blir på Naustet tysdag 25. august.
- Småspeidarar 17.30–18.45.
- Stifinnarar og vandrarar 19.00–20.30.
Rover/leiar: Me møtest til planleggjingsmøte på Naustet fredag kl. 18.
Om kretsleiren
Hugs pakkemøte på Naustet fredag kl. 18.00!
Avreise blir frå Naustet laurdag kl. 8.45.
Me treng nokre fleire foreldre til å køyra til Ænes på laurdag. Meld frå til Helga (992 92 101) om de kan.
Alle som skal på leir må ha med helsekort. Last ned, skriv ut og ta med i lukka konvolutt med namn på. (Leiarane tek vare på helsekorta under leiren.)
Det er framleis nokon som ikkje har betalt leirkontigenten til 1. Leirvik sin bankkonto.
Pakkemøte til kretsleir
Dei som skal på kretsleir møter til pakkemøte på Naustet fredag 26. juni kl. 18.00. Då pakkar me fellesutstyret i bilen.
Avreise til leiren blir tidleg laurdag morgon. Presis info kjem seinare.
Me treng nokre foreldre til å køyra til Ænes på laurdagen. Meld frå til Helga (992 92 101), så koordinerer ho.
Avslutningstur til Austevoll
I år tek me avslutningsturen litt før speidaråret eigentleg er slutt. Alle blir med – småspeidarar, stifinnarar og vandrarar. Me reiser til Kalsundholmen, eit friluftsområde ikkje langt frå Husavik ferjekai i Austevoll.
Hugs at det er fri 2. juni og speidarmøte igjen tysdag 9. juni.
Tid: Fredag-sundag 29.-31. mai.
Stad: Kalsundholmen i Austevoll.
Frammøte: Sandvikvåg ferjekai, fredag kl. 17.45.
Henting: Sandvikvåg, sundag kl. 15.45.
Pris: 200 kr. Dette dekkjer mat og ferje.
Utstyr: Sovepose (god og varm), liggeunderlag, regnklede, støvlar, varmt tørt skift i sekken, ekstra lubber, hua, hanskar, kniv, lommelykt, bestikk, tallerk, kopp, toalettsaker, flytevest/redningsvest. Badeklede og fiskestang, for dei som vil.
Mat: Dette tek leiarane med. Ta med litt snop, dersom du har lyst.
Påmelding: Til Helga (53413179/99292101) innan torsdag.
Spørsmål: Ring Helga.
17. mai 2015
1. Leirvik deltek også i år i 
morgontoget 17. mai. Me skal vera oppstilt i flaggborga klokka 07.00. Deretter er det sang og musikk ved Leirvik mannskor og Stord musikklg samt apell for dagen. Deretter går toget til til Osen, opp Borggata, forbi Kyrkja, opp Døso og vidare til sjukehuset. Avslutning ved sjukehuset etter at mannskoret og musikklaget har spela nokre nummer (bak sjukehuset).
Alle møter klokka 06.45. Det er viktig at alle møter, slik at me kan bytta på å bera flagga.
Alle stiller med skjerf. Dei som har skjorte, stiller med skjerf og skjorte.
Me reknar med å avslutta ved sjukehuset ca 08.00, så alle må hentast der.
Flott innsats i kretskonkurransen
Feiring på Frugård.
Me gjorde det godt i kretskonkurransen i helga. Oter sikra seg kretsbanneret igjen med andreplass totalt, best i Ryvarden. Lama tok tredjeplassen. Begge patruljane er difor kvalifiserte til NM i juni.
Rev vann stifinnarkonkurransen. Småspeidarane i Ulv kom på andre plass i sin klasse. Super innsats som vanleg, der altså.
1. Leirvik speidargruppe 