1. Leirvik speidargruppe

Author Archives: Gaute Hvoslef Kvalnes


by Kommenter innlegget

Tur til Sævarbu

Det vert speidartur for alle små og store på Stordafjellet. Turen går til og rundt speidaranes eiga hytte, Sævarbu.

 

Småspeidarane skal overnatta inne i hytta.

 

Stifinnarar og vandrarar skal overnatta ute i gapahuk eller lavvo (det er ikkje plass til alle inne i hytta)

 

Tid: Laurdag 20. oktober til sundag 21. oktober.

Stad: Stordafjellet, Sævarbu.

Frammøte: På hytta, laurdag kl 11.00

Avslutning: På hytta, kl 15.00 sundag.

Pris: 150 kroner. Inkludera mat, overnatting og felles utstyr som me treng til turen.

Utstyr: Sovepose (god og varm), liggeunderlag (stifinnar / vandrar), regnklede, støvlar,

varmt tørt skift i sekken, ekstra lubber, hua, hansker, kniv, lommelykt.

Mat: Dette ordnar leiarane.

Påmelding: Til Helga på tlf 53413179 / 99 29 21 01, eller Gaute, 99629244

innan torsdag 18. oktober.

Spørsmål: Ring Helga eller Gaute.


by Kommenter innlegget

Dugnad til helga

Endeleg ser det ut til at været klarner opp, slik at det vert mogeleg å fortsetja dugnad på Naustet.
Slik det ser ut no, så vert det nydeleg vær til helga.

Det vert difor dugnad fredag ettermiddag kl 17 – 19.
Laurdag frå kl 10.00. Kor lenge me held på, er avhengig av kor langt me kjem.

Til helga satsar me på å:
  • gjera ferdig dei 2 siste borda på nordsida
  • beise grunningsbeis på nordsida
  • flytta stillas til sjøsida
  • riva bordkledning på sjøsida
  • bordkle sjøsida
  • skifta dør i vestveggen
  • beisa vestveggen
Som de ser er det mange oppgåver og mogeleg å fordela seg på fleire plassar. Har derfor plass til ein del personar på dugnaden, utan at me går i vegen for kvarandre.
Dei som har, kan ta med: hammar, kubein, beiskost (gjerne gamal og brukt sidan dette berre er grunnstrøk), kort stige til beising av nordveggen.

Håpar det er mange som kan møta!

Øystein


by Kommenter innlegget

Dugnad på Naustet

No har me endeleg fått materialane me treng for å skifta kledning på Naustet.

Ein god gjeng møtte på særs kort varsel, tysdag 18. sept. og bar ned materialane.

Dugnaden vart fredag 21. og laurdag 22. sept.

Som bileta viser, så fekk me gjort eit godt stykke arbeid på disse 2 dagane.

Det vert meir dugnad for å få Naustet ferdig. Meir info kjem om dette.


by Kommenter innlegget

Lappar om speidartur hausten 2012

Endeleg er det haust og tid for ei flott oppleving i Storafjellet.

Denne helga er det fleire forskjellige opplegg på gang i 1. Leirvik speidargruppe. Småspeidarane, stifinnarane og vandrarane skal på litt ulike turar, så pass på at du finn rett lapp.

Hugs påmelding innan torsdag!

Speidartur hausten 2012.doc

Stifinnartur hausten 2012.doc

Småspeidartur hausten 2012.doc


by Kommenter innlegget

Speidarfestival 15.-17. juni 2012

Festivalleir 2012.doc

 

Dette vert årets avslutningstur før sommarferien!

Så er det tid for speidarfestival att. Dette er etter kvart blitt ein tradisjon i Ryvarden krets og vert arrangert annakvart år. Den er for alle små og store speidarar i kretsen. Forrige gang var me rundt eit par hundre deltakarar.

Tema i år er indianerleir. Eige skriv frå arrangøren er vedlagt.

Merk påmeldingsfrist 29. mai. Må ha den så tidleg, sidan kretsen skal ha bindande påmelding innan 1. juni.


by Kommenter innlegget

Stifinnarar: Hike til fjells våren 2012

Hike til fjells våren 2012.doc

No er det tid for å ta opp noko som var ein tradisjon i 1. Leirvik i mange år. Hike til fjells om våren.
Dette kan nok kallast vårens vakraste eventyr.

Her skal me gå til fjells og overnatta i gapahuk undervegs. Me overnattar der me føler for, når dagen
er slutt. Litt etter vær og vind kan planen endra seg undervegs. Utganspunktet er at me startar i
Vatnadalen, går langs Ravatnet mot Tysevatnet og Vaulane.

Dette er ein tur for speidarane våre. Dei ordnar sjølv med orientering, mat og overnattingsplass
undervegs. Leiarar følgjer med, men lagar sin eigen overnattingsplass i passeleg avstand frå
speidarane.