Haikeligaen er ein turkonkurranse frå KFUK-KFUM-speidarane, men me i NSF er invitert med. Kvar månad kjem det nye oppdrag som patruljane kan utføra. Nokon som vil vera med?
Les meir på haikeligaen.no og på speiding.no.
Opptaking av speidarar
Det vert møte med opptaking av nye speidarar, tysdag 10. februar. I haust tok me ikkje opp nokon, så det er mange som står for tur denne dagen. Nye speidarar som byrja etter jul, vert tatt opp seinare.
Denne dagen inviterar me familiane til å vera med oss på opptakingsfest. Opptaking er ein litt høgtideleg seremoni for nye speidarar, der dei avlegg speidarløftet og får utdelt speidarsjal.
Me markerar også dei som har bytta enhet den seinare tida. Dei avlegg speidarløftet på nytt og får ny enhetsmarkering. Dette gjeld dei som er flytta frå småspeidar til speidar, eller speidar til rover.
Markeringa vert i heishuset på Litlabø.
Det vert litt speidaraktivitetar, kaffipause og opptaking.
Kalender for våren 2015
Kalenderen for våren kan lastast ned her: 1. Leirvik våren 2015
Friluftslivets år
2015 er friluftslivets år. Tysdag 13. januar vert starten av friluftslivets år markert over heile landet.
På Stord vert det ei markering på Lundarstølen, der fleire lag og organisasjonar deltek. 1. Leirvik deltek også og flyttar speidarmøtet til Lundarstølen denne dagen.
Det vert fakkeltog frå Kraftstasjonen til Lundarstølen. Vel framme på Lundarstølen er det fyr i bålpanner, litt aktivitetar og servering av lapskaus. Stord – Fitjar Turlag stiller med faklar.
Me ynskjer små og store speidarar, roverar samt familiemedlemmer velkommen. Ta med kjente, så vert det ei stor markering.
NB: Ikkje vanleg speidarmøte tysdag 13. januar.
Julebord
Minnar om at det vert julebord/juleavslutning for roverar og leiarar førstkommande fredag (5 des.)
Vert som vanleg frammøte i finstasen. På menyen står pinnekjøtt og dessert.
Endring i år er at julabordet vert lokalt og avslutta på kvelden / natta. Laurdag reiser me saman med speidarane på julatur til Karmøy.
Håpar det er mange som har mulighet til å møta fram denne dagen, så får me ei god stund saman.
For å få oversikt over kor mange som skal ha mat, treng Øystein tilbakemelding om kven som kjem innan onsdag.
Me snakkast.
Bakemøte
Hugs at det er andre møtetider på bakemøtet i desember!
Småspeidarar: Tysdag 2. desember 17.00–19.00.
Stifinnarar: Tysdag 2. desember 19.00–21.00.
Vandrarar: Onsdag 3. desember 19.00–21.00.
Ta med forkle, kjevle og kakemannformer.
Julatur 2014
Avslutningstur før jul er etterkvart blitt ein tradisjon. Dei siste åra har me flytta det litt rundtomkring og i år drar me til Skår-speidarane sitt grendahus.
Her vert det sosiale aktivitetar, gåturar og juleverkstad.
Tid: Laurdag 6. des til sundag 7. des.
Stad: Skår grendahus, Karmøy (Sundvegen 197)
Info om kretsleir 2015
Til sommaren blir det kretsleir på Ænes i Kvinnherad. Her møtest kretsane Ryvarden og Hordaland til ei veke saman på leir.
Les meir på www.kretsleir.no.
Tid: 27. juni – 4. juli 2015
Stad: Ænes
Pris: 1800,- (1700,- ved tidleg påmelding)
Hausttur i Landåsen
Det vert dagstur for små og store speidarar, roverar og leiarar i 1. Leirvik, laurdag 1. november.
Turen vert i Landåsen. Her vert det diverse aktivitetar og litt matlaging. Ta med grillmat. Ta gjerne med noko til varm drikka (rett i koppen / te / toddy el). Varmt vatn fiksar me i skogen. Me vert ute heile tida. Ha på deg klær som passar til været! Ta gjerne med litt ekstra klær i sekken, dersom det vert kaldt.
Tid: Laurdag 1. november kl 11 – kl 15.
Stad: Landåsen
Frammøte: Inngangen til Landåsen, Vabakkjen kl 11
Avslutning: Inngangen til Landåsen, Vabakkjen kl 15
Pris: Gratis
Utstyr: Grillmat, drikka, og litt ekstra klær. Dei som har, kan ta med kompass og kniv.
Mat: Dette ordnar leiarane for heile helga. Ta med litt snop, dersom du har lyst.
Påmelding: Ingen, møt opp.
Spørsmål: Ring Helga 99 29 21 01, eller Øystein 90 09 26 17
Parken 30. september
Hugs at speidarmøtet tysdag 30. september skal vera i Parken (Vidsteenparken, ved museet). Til vanleg tid.
1. Leirvik speidargruppe 