1. Leirvik speidargruppe


by Kommenter innlegget

Grautmøte, bakemøte og kalendersal november 2010

Grautmøte i Parken (ved museet) 22. og 23. november

Møt til vanleg tid og kle deg for å vera ute.

Bakemøte på Naustet 29. og 30. november (merk tida!)

  • Vandrarane møter til vanleg tid måndag 19.00 og held på til 21.00.
  • Småspeidarane møter tysdag 17.00 og avsluttar 19.00.
  • Stifinnarane møter tysdag 19.00 og held på til 20:30.

Ta med forkle, kjevle og peparkakeformer.

Kalendersal

Speidargruppa vår vil tena litt pengar ved å selja speidarforbundets kalender for 2011. Kvart medlem skal selja éin kalender. Kalenderen kostar 100 kroner.

 

Me avsluttar med juletur helga 4.–5. desember. Det kjem lappe om turen seinare.

 


by Kommenter innlegget

Bilete frå Vatnadalen 2010

Ein knalltøff gjeng småspeidarar og stifinnarar overnatta i Vatnadalen 23.–24. oktober. Det vart reine vinterturen, med snø på bakken og kuldegrader til langt utpå morgonen.


by Kommenter innlegget

Blåtur for vandrarane

No er det klart for haustens storhending, blåtur! Det vert kjempekjekt for alle. Denne turen vil du ikkje gå glipp av. Meir vil me ikkje fortelja.

 

Tid:

Fredag 29. oktober – Sundag 31. oktober

Stad: Mange veit like lite som i fjor … Nokon få veit meir!

Frammøte: Jektevik ferjekai fredag kl 17.40

Avslutning:

På speidarnaustet sundag ca kl 15.00

Pris: 300 kroner. Dette dekkar all mat, reise, overnatting +++.

Utstyr: Det er viktig at ALLE har med ALT som står på utstyrslista. Hugs: du veit ikkje kva du får bruk for

Sovepose, liggeunderlag (gjerne av silke), regnklede, støvlar/fjellsko, badeshorts, grilldress, varmt tørt skift i sekken, ekstra lubber, hua, kniv, handduk, lommelykt, bestikk, hårstrikk, tallerk, kopp, toalettsaker, drikkeflaske, mobiltelefon.

Mat: Dette ordnar leiarane for heile helga. Ta med litt lommepengar (maks 100), dersom du har lyst. Har du med snop, må du dela.

Påmelding:

Til Helga på tlf 53413179/99292101, eller Gaute 99629244 innan onsdag 27.

DET ER VIKTIG AT ALLE MELDER SEG PÅ INNAN FRISTEN; SIDAN DET ER EIN DEL SOM SKAL KOORDINERAST MED DENNE TUREN

Spørsmål:

Ring Helga eller Gaute.

 


by Kommenter innlegget

Tur til Vatnadalen for småspeidarar og stifinnarar 23.—24. oktober 2010

Oppmøte: Vatnadalen, laurdag 23. oktober kl. 13.00. Det går an å køyra heilt inn til leirplassen, som ligg eit lite stykke innover skogsvegen. Me skal overnatta i telt.

Avslutning: Me sluttar av på same staden sundag kl. 14.00.

Ta med: Regnklede, varme klede, hue, skjerf, vottar, ekstra lubber, tørt og varmt skift, støvlar eller fjellsko, kopp, tallerk, bestikk, lommelykt, kniv, sovepose og liggeunderlag

Mat: Leiarane ordnar mat for heile helga. Ta med litt snop om du har lyst.

Pris: Turen kostar 100 kr.

 

Påmelding til Helga innan torsdag: 53 41 31 79 eller 992 92 101

 


by Éin kommentar

Fridykking og bogeskyting på rover-/leiartur

Åtte roverar og leiarar reiste på tur til Håøya friluftsområde i Nordhordland helga 10.–12. september 2010. Der fekk me prøva oss på fridykking og bogeskyting under rettleiing av Børje Møster frå Frivannsliv. Utfordrande og moro!


by Kommenter innlegget

Hausten 2010

Oppstart 1. Leirvik speidargruppe

  • Likar du å dra på tur i skog og mark, eller på leir i telt?
  • Vil du læra litt om førstehjelp, båltenning, orientering og andre nevenyttige tips og triks?
  • Har du lyst å vera i lag med andre i eit trygt og godt miljø?
  • Då kan speidaren vera noko for deg!

1. Leirvik speidargruppe startar opp att etter ferien. Nye og gamle medlemmer velkomne!

Møtetider er:

Måndagar 19.00–20.30, 8.–10. klasse

Tysdagar 17.30–18.45, 3.–5. klasse

Tysdagar 18.45–20.00, 6.–7. klasse

 

Nye medlemmer er hjarteleg velkomne og kan møta opp ved Naustvågen Barnehage.

1. Leirvik speidargruppe er medlem av Norges Speiderforbund. Meir informasjon kan du finna på www.speiding.no.

Ta gjerne kontakt med Helga Kroka, tlf. 53 41 31 79 / 992 92 101, eller Øystein Østensen tlf. 900 92 617 dersom du har spørsmål.

(Annonsetekst frå Sunnhordland 25. august 2010.)

1._Leirvik_hausten_2010.pdf


by Kommenter innlegget

Bilete frå festivalleiren 2010

Avslutningsturen vår i år gjekk til Lier på festivalleiren til Ryvarden første helga i juni. Denne gongen hadde festivalen vikingtema, og i opptoget på laurdagen vart 1. Leirvik kåra til beste vikinggruppe! Me fekk til og med premie — eit kjekt kokeapparat.

Opptog i velourvikingkostyme (!):

Handbak, putekrig og andre typiske vikingaktivitetar:


Glimt frå leirlivet:

(Foto: Øystein og Anne Merete)


by Kommenter innlegget

NM i speiding 2010

Nmlogo

NM i speiding vart halde i Tysvær i helga. Vandrarpatruljen Helga’s Angels klatra på resultatlistene heile konkurransen, og vart til slutt nummer 59 av 118 deltakande patruljar. Fin innsats!

Ryvarden krets stod for arrangementet i lag med Haugaland krets (KFUK-KFUM). Difor stilte 1. Leirvik med 12 roverar og leiarar som tok seg av ei av oppgåvene. Speidarane skulle laga ei fiskestang med snelle på laurdagskvelden. Etter innlevering 01.00 arbeidde me med bedømming utover natta. Det var eit slit, men det gjekk veldig bra.