1. Leirvik speidargruppe


Kommenter innlegget

​Julatur for alle speidarar

Det er klart for den tradisjonelle julaturen i 1. Leirvik speidargruppe.

I år reiser me til Halsnøy og overnattar på Speidarhuset i Sæbøvik. Her skal me kosa oss, ha juleverksted og andre aktivitetar.

Turen er frå laurdag til sundag for speidarane. Leiarar og roverar reiser til Halsnøy på fredag ettermiddag.
Tid:     Laurdag 03. – sundag 04. desember.

Stad: Halsnøy, Speidarhuset på Sæbøvik

Frammøte: Skjersholmane ferjekai, laurdag kl 11.30. Ferja har avgang kl 11.45

Avslutning: Skjersholmane ferjekai, sundag kl 15.30.

Pris: 200 kroner. Dette dekkar ein del mat, ferje og leige av speidarhuset.

Utstyr: Sovepose, liggeunderlag (litt usikkert om det er madrass til alle), regnklede, støvlar, varmt tørt skift i sekken, ekstra lubber, hua, kniv, toalettsaker, stillongs, tjukk genser. Me skal være litt ute, så ta med gode klær.

Mat: Leiarane tar med mat. Ta med litt snop, dersom du har lyst.

Påmelding: Til Helga på tlf 53413179 / 99292101, eller Øystein tlf 90092617, innan onsdag 30. november.

Spørsmål: Ring Helga eller Øystein


Kommenter innlegget

Opptaking og grautmøte 29. november

Tysdag 29. november skal me kosa oss med graut og aktivitetar i Vidsteenparken (ved museet). Denne gongen blir det dessutan høgtideleg opptaking av nye speidarar og speidarar som har gått over frå småspeidarflokken til troppen. Foreldre/føresette og søsken er velkomne til å vera med!

Oppmøte ved scenen til vanleg tid. Småspeidarar kl. 17.30, stifinnarar og vandrarar kl. 19.00.

Kle deg for å vera ute, og ta med lommelykt.


Kommenter innlegget

Tur for stifinnarane 

​Tur til Sævarbu

Tid: Fredag–sundag 04. november – 06. november

Stad Sævarbu

Frammøte: Lundsæter kraftstasjon fredag kl. 17.30.

Avslutning: Kraftstasjonen sundag kl. 14.

Pris: 150 kr.

Utstyr: Sovepose, klede til å vera ute, støvlar, varmt tørt skift i sekken, ekstra lubber, hua, hanskar, kniv, lommelykt, liten sekk til dagstur, drikkeflaske.

Mat: Leiarane kjøper inn brødmat og middag/kvelds til fredag kveld. Ta med litt snop, dersom du har lyst. (Maks 1⁄2 l brus + pittelitt sjokolade eller chips.)

Påmelding: Innan torsdag 03. november til Helga (99292101) eller Øystein (90092617).

Spørsmål: Ring Helga (99292101).
Me skal gå opp på fredagen, og det vert fjelltur på laurdag. Ha med eit par gode sko til å gå lenge i, tilpassa vêret.


Kommenter innlegget

Hausttur for stifinnarar

Haustturen går til speidarhytta vår, Sævarbu. Me skal gå frå kraftstasjonen (ca. 2 km), så pakk i ein god sekk som du kan bera. Ha på gode sko/støvlar og klede.

 

Tid: Fredag–laurdag 30. september–1. oktober

Stad: Sævarbu

Frammøte: Lundsæter kraftstasjon fredag kl. 17.

Avslutning: Kraftstasjonen laurdag kl. 15.

Dei som vil, kan overnatta til sundag, i gapahuk i området rundt speidarhytta. Då blir det avslutning sundag kl. 15.

Pris: 100 kr.

Utstyr: Sovepose, klede til å vera ute, støvlar, varmt tørt skift i sekken, ekstra lubber, hua, hanskar, kniv, lommelykt.

Mat: Leiarane kjøper inn brødmat og middag/kvelds til fredag kveld. Ta med litt snop, dersom du har lyst. (Maks 1⁄2 l brus + pittelitt sjokolade eller chips.)

Påmelding: Innan torsdag 29. september til Helga (99292101) eller Gaute (99629244).

Spørsmål: Ring Helga (99292101).


Kommenter innlegget

Hausttur

Det vert dagstur for små og store speidarar, roverar og leiarar i 1. Leirvik, sundag 18. september.

Turen vert på Storavatnet i Sagvåg. Her skal me padla kano, ha diverse aktivitetar og litt matlaging.

Leiarane tar med mat.

Me vert ute heile tida. Ha på deg klær som passar til været! Ta gjerne med litt ekstra klær i sekken, dersom det vert kaldt.

NB: Ta med redningsvest / seilervest / padlevest

Tid: Sundag 18. september kl 11 – kl 15.

Stad: Storavatnet, Sagvåg

Frammøte: Ved innkøyringa til motorcrossbanen, Hustrudalen (ved transformatorstasjonen rett ved hovudvegen).

Avslutning: Same som frammøte, kl 15

Pris: Gratis

Utstyr: Redningsvest, kniv, bestikk, tallerk, kopp. Varme klær i sekken

Mat: Dette ordnar leiarane.

Påmelding: Ingen, møt opp.

Spørsmål: Ring Helga 99 29 21 01


Kommenter innlegget

Avslutningstur

Dette vert årets avslutningstur før sumarferien, og det vert difor ikkje fleire ordinære møter i år. Hugs at dei som skal vera med til NM må møta på tysdag 07.06 for å pakke utstyr.

I år vert det ikkje leir arrangert av kretsen, men i staden ein knakande kjekk tur til Lier i lag med Bua- og Koppervikspeidarane. Alle er invitert med til denne turen, og her skal me ha det kjekt i lag! Det er lov å ta med litt snop og ei lita brusflaske.

Det er meldt fint vêr til helga, og me satsar på mange kjekke leikar og aktivitetar. Me legg og opp til litt øving for dei som skal til NM. Om ein har ei kjekk leike ein vil ha med seg, som slengtau, ball, strikk, badminton osb. Me får og moglegheit til å låna nokre kanoar. Me vil og gjerne prøva oss på å laga «primitiv mat» for å visa at ein kan klara seg med eit bål når ein er på tur. Ta med uteklede som passar til vêret.

Tid Fredag 03. juni til sundag 05. juni
Stad Kretsens leirplass på Lier, Førde i Sveio
Frammøte Ved Naustet fredag 03. juni klokka 17.00
Retur Attende ved Naustet sundag klokka 17.00
Dei som skal vera med og køyra, må vera på Lier ca klokka 16.15
Pris 200 kr. Dette dekjer mat for heile helga
Utstyr Sovepose, liggeunderlag, regnklede, støvlar, varmt tørt skift i sekken, lubber, hua, toalettsaker, shorts, t-skjorte, kniv, lommelykt, bestikk, tallerk, kopp, drikkeflaske, sysaker om du har. Redningsvest
Køyring Me treng foreldre som kan vera med å køyra til og frå Lier. Gi beskjed om kva veg du kan køyra, evnt ikkje kan køyra, samt antal passasjerar, ved påmelding
Påmelding Me ønsker å veta antal påmelde så nøyaktig som mogleg, så påmelding må sendast til Helga i løpet av onsdag 01.juni
Spørsmål Ring Helga på 99292101


Kommenter innlegget

17. mai 2016

1. Leirvik deltek også i år i morgontoget 17. mai. Me skal vera oppstilt i flaggborga klokka 07.00. Deretter er det sang og musikk ved Leirvik mannskor og Stord musikklag samt apell for dagen. Deretter går toget til til Osen, opp Borggata, forbi Kyrkja, opp Døso og vidare til sjukehuset. Avslutning ved sjukehuset etter at mannskoret og musikklaget har spela nokre nummer (bak sjukehuset).

Alle møter klokka 06.45. Det er viktig at alle møter, slik at me kan bytta på å bera flagga.

Alle stiller med skjerf. Dei som har skjorte, stiller med skjerf og skjorte.

Me reknar med å avslutta ved sjukehuset ca 08.00, så alle må hentast der.


Kommenter innlegget

Kretskonkurransen 2016 stifinnar/vandrar

1. Leirvik kjem også i år til å delta i kretsbannerkonkurransen. Dette er ein konkurranse som vert arrangert av kretsen vår kvart år. I år er konkurransen på Sandbekken i Tysvær.

På kretsbannerkonkurransen konkurrerer speidarpatruljane mot kvarandre i forskjellige øvingar over to dagar. Sidan konkurransane startar tidleg laurdag, reiser me inn allereie på fredag. Dei tre beste patruljane vert kvalifiserte for deltaking i NM i speiding.

Tid: Fredag-sundag 22.-24. april

Stad: Sandbekken i Tysvær. Me treng nokre foreldre til å køyra.
For dei som køyrer: Ta av frå E39 eit stykke sør for Aksdal. Følg skilta mot Sandbekken (severdigheit) innover nokre kilometer på bygdevegane.

Frammøte: Speidarnaustet, fredag kl 18.00.

Avslutning: På Sandbekken, ca kl. 15 sundag. (Dei som skal henta må vera der kl. 14.) Tilbake på Naustet ca kl. 16.

Pris: 200 kr. Dette dekkjer mat og deltaking i konkurransen.

Utstyr: Sovepose (god og varm), liggeunderlag, speidarskjorte, sjal, regnklede, støvlar, varmt tørt skift i sekken, ekstra lubber, hua, hanskar, kniv, lommelykt.

Mat: Gruppa tek med mat til alle. Ta med litt lommepengar til kiosken om du vil.

Spørsmål: Ring Helga (99292101) eller Gaute (99629244).