Minner om pakkemøte på Naustet for dei som skal på landsleir. Tysdag kl. 19.00.
Tag Archives: vandrar
Avslutningstur til Litlabø
Det vert avslutningstur til Litlabø for små og store speidarar, helga 14.-16. juni. Denne gangen går turen til Rødkleivbanen på Litlabø.
Heile helga skal me liggja i telt og kosa oss. Nokre aktivitetar vert det undervegs, så ta med redningsvest/seilarvest, meir vil me ikkje røpa enda.
Tid: Fredag 14. juni til sundag 16. juni.
Stad: Rødkleivbanen, Litlabø
Frammøte: Me møter ved Naustet fredag kl 18.00 (for å samla utstyret me treng, køyrer felles derifrå til Litlabø).
Avslutning: På Rødkleiv, sundag 16. juni kl 15.00
Pris: 150 kroner. Dette dekkar all mat og utstyr som trengs for turen.
Utstyr: Sovepose, liggeunderlag, regnklede, støvlar, varmt tørt skift i sekken, ekstra lubber, hua, kniv, lommelykt, bestikk (kniv, gaffel, skei), tallerk, kopp, solkrem, shorts.
NB: TA MED REDNINGSVEST / SEILERVEST.
Mat: Dette kjøper leiarane inn på felles
Påmelding: Til Helga på tlf 53413179 / 99 29 21 01, eller Øystein tlf 90092617 innan onsdag 12. juni. Me treng tilbakemelding om du skal vera med eller ikkje.
Spørsmål: Ring Helga eller Øystein
Viktig info om avslutningsturen
Avslutningsturen 7.-9. juni må flyttast til 14.-16. juni.
Dette grunna deltaking i NM for Lamapatruljen 7.-9. juni. Meir detaljert info kjem seinare.
17. mai-feiring
Morgontog
1. Leirvik skal også i år, tradisjonen tru, ha ansvar for flaggborga i morgontoget frå Nattrutekaien til Sjukehuset. Alle stiller ved Nordre Kaisving / Bård Haugland-støtta kl 06:45.
07:00 er det musikk/sang før minnetale og kransnedlegging. Så går toget frå kaien, gjennom Borggata, forbi kyrkja og opp Sjukehusvegen. Ved sjukehuset er det sang og musikk v/mannskoret og musikklaget, før arrangementet vert avslutta mellom 07:50 og 08:00. Alle må hentast ved sjukehuset.
Borgartog
I høve 1. Leirviks 100-årsjubileum, ynskjer me å markera ved å delta i borgartoget. Det er laga banner og paroler, funne fram gamle dagars speidaruniformar og anna me skal markera oss med. Håpar mange kan delta på dette, slik at me vert ein stor gjeng i toget.
Møt ved Sport-Treff kl 15:00 for utdeling av utstyr. Dei som har speidardrakt (eller berre sjal) tar dette på i begge toga. Ynskjer også at det vert brukt mørk blå bukse eller mørk blått skjørt til drakten.
Betaling av landsleir
Dei som har meldt seg på landsleiren til sommaren må betala innan 10. mai til 1. Leirvik sin konto.
- Kontonr.: 3520.50.45722
- Pris leiar eller rover: 2063,-
- Pris speidar: 2750,-
- Pris tredje deltakar frå samme husstand: 1375,-
Hike våren 2013
I fjor tok me oppatt ein gamal tradisjon i 1. Leirvik, med hike til fjells om våren. Dette kan nok kallast vårens vakraste eventyr.
I år er det nyleg komt nysnø i fjellet. For å unngå den, skal me ikkje opp i høgda og overnatta. Men på tur skal me uansett. Overnatting vert det i gapahuk undervegs. Me overnattar der me føler for, når dagen er slutt. Litt etter vær og vind endrar planen seg undervegs. Utgangspunktet er at me startar på Litlabø og endar opp på kraftstasjonen på Lundarstølen.
Dette er ein tur for speidarane (stifinnar og vandrar) våre. Dei ordnar sjølv med orientering, mat og overnattingsplass undervegs. Leiarar følgjer med, men lagar sin eigen overnattingsplass i passeleg avstand frå speidarane.
Tid: Fredag 3. mai til sundag 5. mai.
Stad: Stordskogane
Frammøte: På Litlabø v/heishuset, fredag 3. mai kl 18.00
Avslutning: Kl 15.00 sundag. Gir nærmare beskjed om stad, sundag formiddag. Alt etter korleis turen går.
Pris: 100 kroner.
Utstyr: Sovepose (god og varm), liggeunderlag, regnklede, støvlar/gode fjellsko, varmt tørt skift i sekken, ekstra lubber, hua, hansker, kniv, lommelykt, kniv/gaffel/skei, kopp og tallerk.
Mat: Ta med niste til heile laurdag. Leiarane ordnar varmt måltid fredag kveld + laurdag kveld og heile sundag.
Påmelding: Til Helga på tlf 53413179 / 99 29 21 01, eller Øystein 90092617 i løpet av onsdag 1. mai
Spørsmål: Ring Helga eller Øystein.
Speidaraksjonen 2013
Tysdag 30. april skal me samla inn pengar til Flyktningehjelpens prosjekt i Myanmar i Asia.
Møt i speidarsjal og skjorte, dei som har.
Tid: Tysdag 30. april 17.00 – 20.00.
Stad: Leirvik skule.
Les meir om innsamlingsaksjonen på www.speideraksjonen.no eller i siste nummeret av speidarbladet.
St. Georgsdag 23. april
Speidarane markerer St. Georgsdagen 23. april. På denne dagen fornyar me speidarløftet. Dagen blir feira til minne om helgenriddaren St. Georg, skytshelgen for speidarane.
Me inviterer til markering i lag med foreldre på Lundarstøl.
Denne dagen vil me dessutan ta opp nokre av dei nye speidarane som ikkje er tekne opp før.
Tid: Tysdag 23. april 17.30 – 20.00.
Stad: Lundarstøl.
Mat: Ta med kaffi, drikke til ungane og pølser til grilling.
Landsleir 2013
Norges speidarforbund arrangerer landsleir sommaren 2013. Leiren er for stifinnarar og vandrarar.
Landsleir vert arrangert kvart 4. år, så dette er noko dei fleste berre får med seg ein gong som speidar. Det deltek sjølvsagt speidarar frå heile landet. I tillegg kjem det deltakarar frå mange andre land.
No er det tid for påmelding, som vert skriftleg innan 15. april. Hugs å levera lappen.
Kontingent/pris er 2750,- pr. speidar. Husstandar med tre eller fleire deltakarar får rabatt.
Reise til og frå leiren vert sponsa av 1. Leirvik.
Kretsbannerkonkurranse og påskemøte
Påskemøtet tysdag 19. mars blir på golfbanen i Prestegardsskogen. Me skal spela minigolf. Oppmøte til vanleg tid.
Kretsbannerkonkurransen er på Lier i Sveio 13.–14. april. Ta med påmeldingslapp på påskemøtet.
1. Leirvik speidargruppe 