1. Leirvik speidargruppe


by Kommenter innlegget

Avslutningstur til Austevoll

I år tek me avslutningsturen litt før speidaråret eigentleg er slutt. Alle blir med – småspeidarar, stifinnarar og vandrarar. Me reiser til Kalsundholmen, eit friluftsområde ikkje langt frå Husavik ferjekai i  Austevoll.

Hugs at det er fri 2. juni og speidarmøte igjen tysdag 9. juni.

Tid: Fredag-sundag 29.-31. mai.

Stad: Kalsundholmen i Austevoll.

Frammøte: Sandvikvåg ferjekai, fredag kl. 17.45.

Henting: Sandvikvåg, sundag kl. 15.45.

Pris: 200 kr. Dette dekkjer mat og ferje.

Utstyr: Sovepose (god og varm), liggeunderlag, regnklede, støvlar, varmt tørt skift i sekken, ekstra lubber, hua, hanskar, kniv, lommelykt, bestikk, tallerk, kopp, toalettsaker, flytevest/redningsvest. Badeklede og fiskestang, for dei som vil.

Mat: Dette tek leiarane med. Ta med litt snop, dersom du har lyst.

Påmelding: Til Helga (53413179/99292101) innan torsdag.

Spørsmål: Ring Helga.


by Kommenter innlegget

17. mai 2015

1. Leirvik deltek også i år i Flag_of_Norwaymorgontoget 17. mai. Me skal vera oppstilt i flaggborga klokka 07.00. Deretter er det sang og musikk ved Leirvik mannskor og Stord musikklg samt apell for dagen. Deretter går toget til til Osen, opp Borggata, forbi Kyrkja, opp Døso og vidare til sjukehuset. Avslutning ved sjukehuset etter at mannskoret og musikklaget har spela nokre nummer (bak sjukehuset).

Alle møter klokka 06.45. Det er viktig at alle møter, slik at me kan bytta på å bera flagga.

Alle stiller med skjerf. Dei som har skjorte, stiller med skjerf og skjorte.

Me reknar med å avslutta ved sjukehuset ca 08.00, så alle må hentast der.


by Kommenter innlegget

Flott innsats i kretskonkurransen

Feiring på Frugård.

Feiring på Frugård.

Me gjorde det godt i kretskonkurransen i helga. Oter sikra seg kretsbanneret igjen med andreplass totalt, best i Ryvarden. Lama tok tredjeplassen. Begge patruljane er difor kvalifiserte til NM i juni.

Rev vann stifinnarkonkurransen. Småspeidarane i Ulv kom på andre plass i sin klasse. Super innsats som vanleg, der altså.


by Kommenter innlegget

St. Georgsdag

St. Georgsdag 23. april vert feira av speidarar over heile verda med fornying av speidarløftet.

Dei siste åra har me markert dagen saman med speidarane på Bømlo. I år legg me turen til Føyno og feirar i stranda til Kværners velforeining.

Arrangementet startar kl. 18 på Føyno og er ferdig ca. kl. 20.

Denne dagen er alle familiar velkomne til å vera saman med oss på Føyno.

Me fyrer i grillen, så ta med litt grillmat og drikke.


by Kommenter innlegget

Kretsbannerkonkurranse stifinnar/vandrar

1. Leirvik kjem også i år til å delta i kretsbannerkonkurransen. Dette er ein konkurranse som vert arrangert av kretsen vår kvart år. I år er konkurransen på kretsens leirplass, Lier i Sveio.

På kretsbannerkonkurransen konkurrerer speidarpatruljane mot kvarandre i forskjellige øvingar over to dagar. Sidan konkurransane startar tidleg laurdag, reiser me i år inn allereie på fredag. Dei tre beste patruljane vert kvalifiserte for deltaking i NM i speiding.

Småspeidarane har rundløype på sundagen, med naturkjennskap, knutar, førstehjelp og nokre praktiske øvingar.

 

Tid: Fredag-sundag 24.-26. april

Stad: Lier i Sveio. Me treng nokre foreldre til å køyra.
For dei som køyrer: Følg E39 til Førde kyrkje i Sveio. Ta av mot Ervik, følg vegen 2-3 km og ta av mot Lier (grusveg).

Frammøte: Speidarnaustet, fredag kl 18.00.

Avslutning: På Lier, ca kl 15 sundag. Tilbake på Naustet ca kl 16.

Pris: 150 kr. Dette dekkjer mat og deltaking i konkurransen.

Utstyr: Sovepose (god og varm), liggeunderlag, regnklede, støvlar, varmt tørt skift i sekken, ekstra lubber, hua, hanskar, kniv, lommelykt.

Mat: Patruljane tek med mat sjølv.

Påmelding: Innan torsdag 9. april til Helga (99292101) eller Gaute (99629244). Det er bindande påmelding, sidan me må betala deltakaravgift til kretsen.

Spørsmål: Ring Helga (99292101) eller Gaute (99629244).

 


by Kommenter innlegget

Kretsbannerkonkurranse småspeidar

1. Leirvik kjem også i år til å delta i kretskonkurransen. Dette er ein konkurranse som vert arrangert av kretsen vår kvart år. I år er konkurransen på kretsens leirplass, Lier i Sveio.

På kretsbannerkonkurransen konkurrerer patruljane mot kvarandre i ei rundløype. Det er postar med naturkjennskap, knutar, førstehjelp og nokre praktiske øvingar.

Tid: Sundag 26. april.

Stad: Lier i Sveio.

Frammøte: Speidarnaustet, sundag kl 09.00. Me treng nokre foreldre til å køyra.
For dei som køyrer: Følg E39 til Førde kyrkje i Sveio. Ta av mot Ervik, følg vegen 2-3 km og ta av mot Lier (grusveg).

Avslutning: På Lier, ca kl 15 sundag. Tilbake på Naustet ca kl 16.

Pris: Turen er gratis.

Utstyr: Ta med/på deg klede til å vera ute heile dagen.

Mat: Ta med matpakke. Det er kiosk på kretsbannerkonkurransen med snop, pølser, is og brus. Ta med nokre kroner om du vil snopa litt.
Alle må ha med niste uansett!

Påmelding: Innan torsdag 9. april til Helga (99292101) eller Gaute (99629244).

Spørsmål: Ring Helga (99292101) eller Gaute (99629244).

 


by Kommenter innlegget

Påmelding til kretsleir 2015

Ænes 2015Sommarens storhending for stifinnarar og vandrarar er kretsleir på Ænes.

Dette vert ei veke med teltliv og mange kjekke aktivitetar.

 

Tid: 27. juni – 4. juli

Stad: Ænes i Kvinnherad

Pris: 1800 kr.

Påmelding: Innan tysdag 21. april.

Spørsmål: Ring Helga (99292101) eller Gaute (99629244).

 

1. Leirvik vil kalla inn til foreldremøte for dei som skal på leir når me veit meir om leiren og kven som vil vera med. Ring Helga (992 92 101 / 53 41 31 79) eller Gaute (996 29 244) om de har spørsmål.

Les meir om leiren på www.kretsleir.no.

Les meir →


by Kommenter innlegget

Vintertur for 10. klasse, roverar og leiarar

Avreise frå Naustet, laurdag 21. februar kl 07:45. Me tar 08:30 ferja frå Sandvikvåg.

Reisa går vidare med tog frå Bergen kl 11:07. Me er framme på Haugastøl kl 14:20.

Vel framme på Haugastøl går me på ski frå togstasjonen til NSFs hytte Solstølen. Det er ca 2 km frå Haugastøl stasjon til Solstølen. Pakk slik at det går fint å få med bagasjen på skituren.

Alle skal ha mottatt pakkelista med forslag til utstyr ein treng for turen. Det er ikkje sikkert at du treng alt av klær, det må du vurdera litt sjølv. Er du i tvil, ta det med. Dersom du har for mykje med, så kan noko lagrast på hytta dei dagane me er ute på tur.

Planen er å overnatta første natta på Solstølen. Dag 2, legg me ut på tur med friskt mot og sikkert bakglatte ski (leiarane har med litt skismørning, så det kan fiksast). Planen er å finna eit eigna område for snøhole graving. Mesteparten av dagen går nok med til å grave ut denne, sidan den skal vera stor nok til å overnatta i.

Dag 3 håpar me at det er forhold til å lage igloo og overnatta i denne.

Dag 4 returnera me til Solstølen og planlegg overnatting inne siste natta.

Dag 5 (onsdag 25. februar) går me frå hytta til Haugastøl stasjon igjen. Toget går kl 16:03 og er i Bergen kl 18:58. Retur til Stord utpå kvelden.

Innimellom baksing og graving i snøen skal me sjølvsagt kosa oss med litt orientering i vinterlandskap og lange lunsjer.

Betaling kan tas med ved frammøte, eller betalast inn på 1. Leirviks konto 3520.50.45722

Leiarane som skal vera med på tur er Øystein, Helga og Knut Inge. Ta kontakt dersom De lurar på noko.


by Kommenter innlegget

Tur til Sævarbu (småspeidar)

Sævarbu vinteren 2012

Då er det nok ein gang klart for småspeidartur i 1. Leirvik speidargruppe. Denne gangen dreg me til speidarhytta Sævarbu, på Stordafjellet.

Overnatting vert innandørs, men me skal vera mykje ute, så ta med klær og utstyr som passar til dette.

Det er eit lite stykke å gå frå parkeringsplassen, til der me skal overnatta (Ca 2 km). Pakk i ryggsekk, slik at du kan bæra bagasjen din sjølv. Med det skiftande været som er for tida, er det ikkje godt å seie om me skal gå til fots eller på ski. Forbered deg etter været!

MERK: Gruppa reiser i to puljer denne helga. Stifinnar/vandrar frå fredag til laurdag og småspeidarar frå laurdag til sundag. Denne lappen er for dei som skal frå laurdag til sundag. Målet er at dei skal bli betre kjent med sin patrulje.

Tid: Laurdag 14. februar til sundag 15. februar.

Stad: Sævarbu, Stordafjellet (Litt nedanfor Heio)

Frammøte: Parkeringsplassen ved kraftstasjonen på Lundarstøl, laurdag, kl 15.00

Avslutning: Samme stad som frammøte, sundag kl 15.00

Pris: 100 kroner. Dette dekkar middag og overnatting.

Utstyr: Sovepose, liggeunderlag, regnklede, støvlar, varmt tørt skift i sekken, ekstra lubber, hua, kniv, lommelykt, ski (dersom det er skiføre).

Mat: Ta med deg brødmat og pålegg til frukost og lunsj sundag (alle må bidra og bære litt). Leiarane kjøper inn middag/kvelds til laurdag kveld. Ta med litt snop, dersom du har lyst. (maks 1⁄2 l brus + pittelitt sjokolade eller chips).

Påmelding: Til Helga på tlf 53413179 / 99 29 21 01, eller Øystein tlf 90092617 innan torsdag 12. februar. Me treng tilbakemelding om du skal vera med eller ikkje.

Spørsmål: Ring Helga eller Øystein


by Kommenter innlegget

Tur til Sævarbu (stifinnar/vandrar)

Sævarbu vinteren 2012Det vert tur i 1. Leirvik. Også denne gangen dreg me til speidarhytta Sævarbu, på Stordafjellet.

Overnatting vert innandørs, men me skal vera mykje ute, så ta med klær og utstyr som passar til dette.

Det er eit lite stykke å gå frå parkeringsplassen, til der me skal overnatta (Ca 2 km). Pakk i ryggsekk, slik at du kan bæra bagasjen din sjølv. Med det skiftande været som er for tida, er det ikkje godt å seie om me skal gå til fots eller på ski. Forbered deg etter været!

MERK: Speidarane (stifinnar/vandrar) skal på tur fredag til laurdag og småspeidarane frå laurdag til sundag. Denne lappen er for dei som skal frå fredag til laurdag.

Tid: Fredag 13. februar til laurdag 14. februar.

Stad: Sævarbu, Stordafjellet (på Nedra Heio)

Frammøte: Parkeringsplassen ved kraftstasjonen på Lundarstøl, fredag, kl 17.00

Avslutning: Samme stad som frammøte, laurdag kl 15.00

Pris: 100 kroner. Dette dekkar middag og overnatting.

Utstyr: Sovepose, liggeunderlag, regnklede, støvlar, varmt tørt skift i sekken, ekstra lubber, hua, kniv, lommelykt, ski (dersom det er skiføre).

Mat: Ta med deg brødmat og pålegg til frukost og lunsj laurdag (alle må bidra og bære litt). Leiarane kjøper inn middag/kvelds til fredag kveld. Ta med litt snop, dersom du har lyst. (maks 1⁄2 l brus + pittelitt sjokolade eller chips).

Påmelding: Til Helga på tlf 53413179 / 99 29 21 01, eller Øystein tlf 90092617 innan torsdag 12. februar. Me treng tilbakemelding om du skal vera med eller ikkje.

Spørsmål: Ring Helga eller Øystein