1. Leirvik speidargruppe

Author Archives: Gaute Hvoslef Kvalnes


by Kommenter innlegget

Informasjon om landsleir

Tårnet Stavanger 2013

Så er det endeleg klart for sommarens store hending, landsleir i Stavanger. Dette har me gledd oss til lenge og endeleg er den her. Dette er siste praktiske info for deltakarane.

Landsleiren er i tidsrommet laurdag 6. – laurdag 13. juli. Opning er laurdag kveld og dei fleste grupper kjem laurdag formiddag. Leiren opnar for innrykk midt på dagen, fredag. For å få ein god start, ynskjer me å reisa ned fredag ettermiddag / kveld og setja opp telt. Så er me klare til lå byggja resten av leiren laurdag morgon.

Me håpar at det er ein del som ynskjer å besøkja oss i løpet av leiren. Den ligg rett ved Madlaleiren i Stavanger. Kom innom, så set me over kaffikjelen. For info, så er speidarane ute på hike, frå tysdag til onsdag formiddag. Torsdag er det tur til Preikestolen på dagen, men me er nok tilbake i kveldinga.

Det er kiosk, kafe og utsalg for speidarsport, så ta med lommepengar. Det vert seld ein del merker og souvenirar på leiren.

 

Avreise: Me møter ved Naustet, fredag 5. juli kl 18. Satsar på å få plass til dei fleste i bilar til leiarar og roverar. Det kan vera at nokre foreldre må hjelpa med køyring. Gi melding om du kan.

Heimreise: Satsar på å ha alt pakka og klart til å forlata leiren, laurdag 13. juli omkring kl 14.00. Kanskje treng me nokre foreldre til å henta oss. Gi melding om du kan.

Utstyr: Vanleg turutstyr: Sovepose, liggeunderlag, regnklede, støvlar, varme tørre skift i sekken, ekstra lubber, hua, kniv, lommelykt, bestikk (kniv, gaffel, skei), tallerk, kopp, toalettsaker, solkrem, shorts.

Det er viktig at ALLE har med seg / pakkar i ein sekk dei kan bære på hike. Hiken er ca 10 km, og speidarane må bære med seg all bagasje dei treng for eit døgn.

Spørsmål: Ring Helga 99 29 21 01 eller Øystein 90 09 26 17. Disse nummer kan også nyttast under leiren, dersom de treng å komma i kontakt med speidarane.

Meir info: Du finn meir informasjon om leiren på nettsida: www.stavanger2013.no

 

Helsekort: Det er viktig at alle fyller ut helsekort og tar det med i ein konvolutt med namn på. Helsekortet finn du her: http://www.stavanger2013.no/articles/view/id/helsekort


by Kommenter innlegget

Avslutningstur til Litlabø

Det vert avslutningstur til Litlabø for små og store speidarar, helga 14.-16. juni. Denne gangen går turen til Rødkleivbanen på Litlabø.

Heile helga skal me liggja i telt og kosa oss. Nokre aktivitetar vert det undervegs, så ta med redningsvest/seilarvest, meir vil me ikkje røpa enda.

 

Tid: Fredag 14. juni til sundag 16. juni.

Stad: Rødkleivbanen, Litlabø

Frammøte: Me møter ved Naustet fredag kl 18.00 (for å samla utstyret me treng, køyrer felles derifrå til Litlabø).

Avslutning: På Rødkleiv, sundag 16. juni kl 15.00

Pris: 150 kroner. Dette dekkar all mat og utstyr som trengs for turen.

Utstyr: Sovepose, liggeunderlag, regnklede, støvlar, varmt tørt skift i sekken, ekstra lubber, hua, kniv, lommelykt, bestikk (kniv, gaffel, skei), tallerk, kopp, solkrem, shorts.

NB: TA MED REDNINGSVEST / SEILERVEST.

Mat: Dette kjøper leiarane inn på felles

Påmelding: Til Helga på tlf 53413179 / 99 29 21 01, eller Øystein tlf 90092617 innan onsdag 12. juni. Me treng tilbakemelding om du skal vera med eller ikkje.

Spørsmål: Ring Helga eller Øystein


by Kommenter innlegget

Dugnad på Naustet

Det vert dugnad for å skifta bordkledning på Speidarnaustet, laurdag 25. mai og 01. juni kl 10.00, til ca kl 15.00

Her treng me nokre velvillige foreldre, samt roverar og leiarar for å hjelpa til.

Ta med hammar, kubein og elektrisk stikksag om du har.

Kaffi og drikka ordnar me!

Me treng også litt meir stillas (type byggstillas) for å rekka heilt til topps på veggen. Har du tilgang på dette? Gi beskjed.

Gi tilbakemelding om du kan vera med å hjelpa til, så me får ei oversikt over kven som kjem. Fint om du gir tilbakemelding innan torsdag 23. mai. til Øystein tlf 90092617.

Naustet under oppussing desember 2012.

Naustet under oppussing desember 2012.


by Kommenter innlegget

Informasjon NM i Speiding 2013

NM i speiding 2013Lamapatruljen kvalifiserte seg under årets kretsbannerkonkurranse til deltaking på NM i speiding. No er det tid for litt meir info kring dette.

NM i speiding går av stabelen på Skogsborg leirområde, i Røyken kommune (v/Oslofjorden), 7.-9. juni 2013.

Meir info om NM kan ein finna på nett: www.nmispeiding.no eller på arrangementets Facebook-side.

 

Tid: Reisa går frå Haugesund til Gardermoen, fredag 7. juni kl 17.25. Deretter tek me tog til Asker stasjon og vert henta der. Returreisa går motsett veg og me er attende i Haugesund sundag 9. juni kl 23.40.

Billettar: Billettar er bestilt.

Frammøte: vert ved Speidarnaustet, fredag kl 15.00.

Retur til Naustet, sundag ca kl 00.30.

Pris: Speidarane betalar ein eigenandel på 500,- kr. Dette dekkar reisa (fly, tog og henting i Asker), deltaking og mat. Det er bestilt grillmat til alle fredag kveld. Resten vert dekka av gruppa og sponsormidlar.

Bagasje: For å få med alt me treng av utstyr køyrer me over ein bil på dagtid, fredag. Den tar også med bagasjen til dei som tar fly, så sparar me bagasjeavgift og det er enklare å reisa. Bagasjen må leverast ved Naustet, torsdag kveld kl 20.30.

Informasjon: For meir informasjon tek me eit kort foreldremøte på slutten av speidarmøtet, tysdag 28. mai kl 20.15. Merk tida!

Spørsmål: Kontakt Helga 53413179 / 99292101 eller Øystein 90092617.


by Kommenter innlegget

17. mai-feiring

flaggMorgontog

1. Leirvik skal også i år, tradisjonen tru, ha ansvar for flaggborga i morgontoget frå Nattrutekaien til Sjukehuset. Alle stiller ved Nordre Kaisving / Bård Haugland-støtta kl 06:45.

07:00 er det musikk/sang før minnetale og kransnedlegging. Så går toget frå kaien, gjennom Borggata, forbi kyrkja og opp Sjukehusvegen. Ved sjukehuset er det sang og musikk v/mannskoret og musikklaget, før arrangementet vert avslutta mellom 07:50 og 08:00. Alle må hentast ved sjukehuset.

Borgartog

I høve 1. Leirviks 100-årsjubileum, ynskjer me å markera ved å delta i borgartoget. Det er laga banner og paroler, funne fram gamle dagars speidaruniformar og anna me skal markera oss med. Håpar mange kan delta på dette, slik at me vert ein stor gjeng i toget.

Møt ved Sport-Treff kl 15:00 for utdeling av utstyr. Dei som har speidardrakt (eller berre sjal) tar dette på i begge toga. Ynskjer også at det vert brukt mørk blå bukse eller mørk blått skjørt til drakten.