1. Leirvik speidargruppe


Kommenter innlegget

Blåtur

8.-11. november er det tid for den tradisjonelle blåturen, for vandrar, roverar og leiarar i 1. Leirvik.

Turen går, også i år – ut i det blå!

Kanskje over fjord – eller under eit fjell, fort eller seint….. dette er det få som veit.

Det som er heilt sikkert, er at det blir ein speidartur utanom det vanlege. Her bør alle vera med, for dette vil du ikkje gå glipp av.

Det vert nokre utfordringar, nokre overraskingar, uvanlege aktivitetar og litt av det me alltid gjer.

 

Tid:     Fredag 9. november til sundag 11. november

Stad: Tjaa… Nokre få veit.

Frammøte: Parkeringsplassen på Nautøyo, rett før Bømlabruo, fredag kl 17.

Avslutning: Speidarnaustet, sundag kl  15

Pris: 300 kr (sidan det er litt aktivitetar som kostar litt ekstra)  

Utstyr: Sovepose, tallerk, kniv/skei/gaffel, kopp, hovudlykt, regnklede, støvlar,varmt tørt skift, stillongs, badetøy, badehandkle, vottar/hanskar, lekespade+lekebøtta, hua, kniv.

Mat: Dette ordnar leiarane.

Påmelding: Til Helga innan sundag 28. oktober på telefon 99 29 21 01. MERK: Tidleg frist, sidan det er litt ekstra planlegging kring ein slik tur.

Spørsmål: Ring Helga 99 29 21 01

 

Speidarhelsing,
leiarane


Kommenter innlegget

Hausthike, stifinnarar

Så er det tid for hausthike for stifinnarane.

Turen går frå Vad, med overnatting ved Hauglandskvedno i gapahuk. Dagen etter går turen til fots oppover Vatnadalen, over til Fjellstova og opp til speidarhytta Sævarbu på fjellet.

Turen er passe lang og passar for alle stifinnarane.

Det er seint på hausten, så godt utstyr er viktig. Det viktigaste, for å halda seg varm gjennom natta, er at alle har ein god varm sovepose (bør væra berekna for nokre minusgrader) og godt liggeunderlag (minst 10 mm tjukt). Dersom du manglar utstyr kan dette lånast gratis hjå «Bua», http://stord.frivilligsentral.no/bua-stord/. Dei har mykje fint turutstyr til låns, gratis er det også!

Det er viktig at alle har med utstyret som står på utstyrslista. Ikkje pakk mykje ekstra utstyr, du må bæra sekken din sjølv. I tillegg må det være plass til litt fellesutstyr, som du får ved oppstart på turen.

Du må ha ein ryggsekk som er stor nok til å ha alt utstyret OPPI. Det kan ikkje henga masse utstyr å dingla i posar utanpå sekken. Dette er veldig ubehagelig i lengda. Dersom du ikkje har sekk, lån ein på Bua!

Det er lurt å pakka sovepose/utstyr/klær i bæreposar/noko som er vanntett, oppi ryggsekken, slik at det held seg tørt. Bruk f.eks ein bossekk til soveposen!

Det er ein del myr i området me skal gå gjennom. Anbefalar å gå i støvlar! Dersom du har godt impregnerte, høge fjellsko, så kan disse kanskje brukast. Lave/vanlege goretex sko er UBRUKELIG, sidan myra nokre plassar er så djup at vatnet går over skoa!

Tid:     Fredag 26. – sundag 28. oktober.

Frammøte: På Vad (siste avkjøring til venstre før du kjem til Fjellgardane (frå Ådlandsvatnet), fredag kl 17.

Avslutning: Ved kraftstasjonen, Lundarstøl, sundag kl 15.

Pris: 150 kr, dette dekkar felles varme måltid, samt litt fellesutstyr.

Utstyr: Sovepose (God og varm), liggeunderlag (helst min 10 mm tjukt), tallerk, kniv/skei/gaffel, kopp, hovudlykt, regnklede, støvlar, varm genser, ekstra stillongs (2 stk), ekstra ullundertrøye (2 stk), 2 ekstra ullsokkepar, vottar/hanskar, hua, kniv, 

Mat: Ta med niste til heile helga. Det er ikkje alltid lika lett å smøra brødskiver i skogen når det regnar! Varmt måltid fredag kveld og laurdag kveld ordnar leiarane.

Påmelding: Innan onsdag 24. oktober til Helga, tlf 99292101.

Spørsmål: Ring Helga 99292101

 

Speidarhelsing

Leiarane


Kommenter innlegget

Hausttur

Det vert dagstur for små og store speidarar, roverar og leiarar i 1. Leirvik, sundag 28. oktober.

Turen vert til speidarhytta Sævarbu. Her vert det diverse aktivitetar og litt matlaging på bålpanna.

I speidarhytta treff me også stifinnarane, som har vore på tur heile helga!

Me vert ute heile tida. Ha på deg klær som passar til været! Ta gjerne med litt ekstra klær i sekken, i tilfelle det vert kaldt.

Det er ein del myr i området me skal gå gjennom. Anbefalar å gå i støvlar! Dersom du har godt impregnerte, høge fjellsko, så kan disse kanskje brukast. Lave/vanlege goretex sko er UBRUKELIG, sidan myra nokre plassar er så djup at vatnet går over skoa!

Tid:     Sundag 28. oktober

Stad: Speidarhytta, Sævarbu

Frammøte: Kraftstasjonen, Lundarstølen, kl 10

Avslutning: Kraftstasjonen, Lundarstølen, kl 15

Pris: Gratis  

Utstyr: Litt ekstra klær i sekken i tilfelle det vert kaldt. Vottar/hanskar og hua. Drikkeflaska til vatn. Dei som har, kan ta med kniv.

Mat: Dette ordnar leiarane.

Påmelding: Til Helga innan onsdag 24. oktober på telefon 99 29 21 01

Spørsmål: Ring Helga 99 29 21 01


Kommenter innlegget

Hausttur til Sævarbu

Småspeidar

Me er klar for årets første tur, og den går til fjells her på Stord. Me har ei hytte som heiter Sævarbu, som er utan straum eller innlagt vatn. Som speidarar klarar me oss veldig fint utan.

Me kjem til å overnatte inne, men me skal vere mykje ute, så ta med klede som passar til vêret. Det er vått på fjellet no, så ha med klede som er vanntette!

Det er ca. 2 km å gå frå Kraftstasjonen og opp til hytta, så alt du skal ha med deg må pakkast i ein sekk som du kan bere sjølv. Alle må vere med og bere litt av fellesutstyret, om det trengst. Om du ikkje har ein sekk som er stor nok, kan de sjekke i BUA Stord om dei har ein sekk til låns, eller anna utstyr du manglar.

Tid: Laurdag 8. september til sundag 9. september.
Stad: Sævarbu
Frammøte: Kraftstasjonen laurdag kl. 14.
Avslutning: Kraftstasjonen sundag kl. 15.
Pris: 100 kroner.
Utstyr: Sovepose, klede til å vera ute, støvlar/fjellsko (må ha høge sko, slik at ein ikkje blir våt i myra), varmt tørt skift i sekken, ekstra lubber, hua, lommelykt, kniv, drikkeflaske.
Mat: Blir handla inn av leiar. Ta med litt snop, dersom du har lyst (maks ½ l brus + pittelitt sjokolade eller chips).
Påmelding: Til Helga (99 29 21 01) innan torsdag kl.18.00, 6. september.
Spørsmål: Ring Helga 99 29 21 01.

Stifinnar/vandrar

Me er klar for årets første tur, og den går til fjells her på Stord. Me har ei hytte som heiter Sævarbu, som er utan straum eller innlagt vatn. Som speidarar klarar me oss veldig fint utan.

Me kjem til å overnatte inne frå fredag til laurdag, og ute frå laurdag til sundag. Me skal vere mykje ute, så ta med klede som passar til vêret. Det er vått på fjellet no, så ha med klede som er vanntette!

Det er ca. 2 km å gå frå Kraftstasjonen og opp til hytta, så alt du skal ha med deg må pakkast i ein sekk som du kan bere sjølv. Alle må vere med og bere litt av fellesutstyret. Om du ikkje har ein sekk som er stor nok, kan de sjekke i BUA Stord om dei har ein sekk til låns, eller anna utstyr du manglar.

Tid: Fredag 7. september til sundag 9. september.
Stad: Sævarbu
Frammøte: Kraftstasjonen fredag kl. 16.30.
Avslutning: Kraftstasjonen sundag kl. 15.
Pris: 100 kroner.
Utstyr: Sovepose, liggjeunderlag, grevling (vanntett trekk til sovepose) kan vere lurt, klede til å vera ute, støvlar/fjellsko (må ha høge sko, slik at ein ikkje blir våt i myra), varme tørt skift i sekken, ekstra lubber, hua, lommelykt, kniv, drikkeflaske.
Mat: Blir handla inn av leiar. Ta med litt snop, dersom du har lyst (maks ½ l brus + pittelitt sjokolade eller chips).
Påmelding: Til Helga (99 29 21 01) innan torsdag kl.18.00, 6. september.
Spørsmål: Ring Helga 99 29 21 01.


Kommenter innlegget

God NM-innsats

Rev hadde ein super tur til NM i speiding på Nøtterøy. I konkurranse med 120 av dei beste patruljane i Noreg klarte Rev ein flott 30.-plass. Her er bilete frå helga.


Kommenter innlegget

17. mai

flaggSame procedure as every year James! Atter ein gong er 1. Leirvik klar for å gå i morgontoget på 17. mai. Møt opp ved Nattrutekaien på Leirvik mellom kl. 06.30-06.45. Ha på speidarskjorte og sjal, og gode sko. Om ein skal noko rett etterpå, kan ein møte opp i anna fin-stas. Me går i frå Leirvik til Sjukehuset, der me syng for pasientane. Alle må hentast ved Sjukehuset, ca. kl. 08.15. Dette blir ein fin start på 17. mai!

1.Leirvik er jo 105 år i år, så då hiv me oss med i Borgartoget. Her må de møte på Torget kl. 15, for å stille opp. Toget går i frå Torget kl. 15.30. Flott om dei som kan stiller i speidar-klede. Gi beskjed til Helga om du skal vere med å gå i eit, eller begge toga.


Kommenter innlegget

Kretsbannerkonkurransen 2018 Småspeidar

No nærmar kretsbannerkonkurransen seg med stormskritt, og denne gongen skal 1. Leirvik og Meling arrangere konkurransen. Den skal vere her på Stord, i Sponavikjo. 

I kretskonkurransen konkurrerer patruljar i øvingar som til dømes naturkjennskap, praktiske oppgåver og førstehjelp. Det å samarbeide er vektlagt for småspeidarpatruljane, men konkurransen handlar like mykje om å være på tur saman med speidarar frå heile kretsen. 

Sidan konkurransen er her på Stord, treng me ikkje noko felles køyring til å frå. I løpet av dei neste møta vil me førebu oss og snakke litt om kva ein kan vente seg i konkurransen. Les meir


Kommenter innlegget

Kretsbannerkonkurransen 2018 Stifinnar / Vandrar

No nærmar kretsbannerkonkurransen seg med stormskritt, og denne gongen skal 1. Leirvik og Meling arrangere konkurransen. Den skal vere her på Stord, i Sponavikjo. 

I kretskonkurransen konkurrerer patruljar i øvingar som til dømes orientering, matlaging, praktiske oppgåver og førstehjelp. Dei beste kvalifiserer seg til NM i speiding, men konkurransen handlar like mykje om å være på tur ei heil helg saman med speidarar frå heile kretsen. 

Sidan konkurransen er her på Stord, treng me ikkje noko felles køyring til å frå. I løpet av dei neste møta vil me førebu oss og pakke fellesutstyr som lavvo og utstyrskassen. Les meir